Silent Letters

Ingliz tilida so‘z qanday yozilsa, har doim ham shunday talaffuz qilinmaydi. Ba’zi so‘zlarda ma’lum harflar yozuvda mavjud bo‘lsa-da, talaffuz paytida umuman ovoz bermaydi. Ana shunday harflar silent letters, ya’ni talaffuz qilinmaydigan harflar deb ataladi.

Masalan, knife so‘zida k yoziladi, lekin talaffuzda k tovushi eshitilmaydi. write so‘zida esa w talaffuz qilinmaydi. lamb so‘zidagi b, honest so‘zidagi h ham yozuvda mavjud, ammo talaffuzda ovozga ega emas.

Bu mavzuni bilish ingliz tilida to‘g‘ri pronunciation qilish uchun juda muhim. Chunki ko‘pchilik o‘quvchilar so‘zni ko‘rib, undagi barcha harflarni talaffuz qilishga harakat qiladi. Natijada so‘zning tabiiy inglizcha talaffuzi buziladi.

Silent letters bitta harf bilan cheklanib qolmaydi. Turli so‘zlarda K, W, B, H, L, T, G, P kabi harflar talaffuz qilinmasligi mumkin.

🔹 K — know, knife, knee
Bu so‘zlarda k tovushi eshitilmaydi.

🔹 W — write, wrong, wrist
Bu so‘zlarda w talaffuz qilinmaydi.

🔹 B — lamb, climb, doubt
Ayrim so‘zlarning oxiridagi b yoziladi, ammo talaffuz qilinmaydi.

🔹 H — honest, hour, heir
Bu so‘zlarda boshlang‘ich h ovoz bermaydi.

🔹 L — walk, talk, half
Ayrim so‘zlarda l yozuvda bo‘lsa ham talaffuzda eshitilmaydi.

🔹 T — listen, castle, whistle
Bu so‘zlarda t tovushi talaffuzdan tushib qoladi.

🔹 G — sign, foreign, design
Ba’zi so‘zlarda g yoziladi, lekin alohida tovush sifatida talaffuz qilinmaydi.

🔹 P — psychology, pneumonia, receipt
Ayrim so‘zlarda p yozuvda mavjud bo‘lsa-da, talaffuzda aytilmaydi.

⚠️ Eng muhim jihat: har bir harf har bir so‘zda silent bo‘lavermaydi. Masalan, ma’lum bir harf bir so‘zda talaffuz qilinmasligi mumkin, boshqa so‘zda esa to‘liq talaffuz qilinadi. Shuning uchun silent letters’ni faqat alohida harf sifatida emas, so‘z va harf birikmalari bilan birga o‘rganish kerak.